ಚಿತ್ರದುರ್ಗ ನೀರಾವರಿ ಹೋರಾಟ: ‘ಮುಕ್ತವಿಚಾರ ವೇದಿಕೆ’ಯ ಭದ್ರಾ ಮೇಲ್ದಂಡೆ ಚಳವಳಿಯ ಇತಿಹಾಸ

ಶ್ರೀ ಶಿವಮೂರ್ತಿ ಮುರುಘಾ ಶರಣರು

ಶ್ರೀ ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮೀಜಿ

ಶ್ರೀ ಶಿವಾಲಿಂಗಾನಂದ ಸ್ವಾಮೀಜಿ

ಜಾಥಾ, ಸಮಾವೇಶ

ಎಚ್.ಹನುಮಂತಪ್ಪ ಅಧ್ಯಕ್ಷತೆಯಲ್ಲಿ ರಾಂಪುರದಲ್ಲಿ ಜಾಥಾ ಆರಂಭಿಸಿ, ಜಿಲ್ಲಾದ್ಯಂತ ಸಂಚರಿಸಿತ್ತು. ಜನ ಸಂಘಟನೆ ಬಳಿಕ ಹಳೇ ಮಾಧ್ಯಮಿಕ ಶಾಲಾ ಆವರಣದಲ್ಲಿ ಸಮಾವೇಶ ನಡೆಸಲಾಗಿತ್ತು. ಅಂದಿನ ಸಭೆಗೆ ಶ್ರೀ ಶಿವಮೂರ್ತಿ ಮುರುಘ ಶರಣರು ಸಾನ್ನಿಧ್ಯ ವಹಿಸಿದ್ದರು. ವಿವಿಧ ಪಕ್ಷದ ಪ್ರಮುಖರು, ಜನಪ್ರತಿನಿಧಿಗಳು ಬೆಂಬಲವಾಗಿ ನಿಂತು ಸಮಾವೇಶ ಯಶಸ್ವಿಗೊಳಿಸುವ ಮೂಲಕ ಸರ್ಕಾರಕ್ಕೆ ತಲುಪಿಸುವ ಕೆಲಸ ಮಾಡಲಾಯಿತು.

ಚಳವಳಿ ತೀವ್ರತೆ

ಪಿ.ಕೋದಂಡರಾಮಯ್ಯ ಅಧ್ಯಕ್ಷತೆಯಲ್ಲಿ ಜಿಲ್ಲಾದ್ಯಂತ ರಸ್ತೆ ತಡೆ, ಬಂದ್, ಪ್ರತಿಭಟನೆ, ಧರಣಿ, ಬಂಧನ-ಬಿಡುಗಡೆ, ವಿಧಾನಸೌಧದಲ್ಲಿ ಸಚಿವರು, ಮುಖ್ಯಮಂತ್ರಿಯೊಂದಿಗೆ ಸಭೆ ಹೀಗೆ ವಿವಿಧ ಹಂತದ ಮೂಲಕ ಹೋರಾಟ ತೀವ್ರ ಸ್ವರೂಪ ಪಡೆದುಕೊಂಡಿತು.

ಸರಣಿ ಧರಣಿ

ದಸಂಸ ರಾಜ್ಯ ನಾಯಕರಾಗಿದ್ದ ಎಂ.ಜಯಣ್ಣ ಅಧ್ಯಕ್ಷರೂ, ಮುರುಘ ರಾಜೇಂದ್ರ ಒಡೆಯರ್ ಕಾರ್ಯಾಧ್ಯಕ್ಷರಾಗಿದ್ದ ಅವಧಿಯಲ್ಲಿ ಕೋದಂಡರಾಮಯ್ಯ ಅವಧಿಯ ಚಳವಳಿಯ ಬಿಸಿ ಕಾಯ್ದುಟ್ಟುಕೊಳ್ಳುವ ಕೆಲಸ ಆಯ್ತು. ಮುಖ್ಯವಾಗಿ ಒನಕೆ ಓಬವ್ವ ವೃತ್ತದಲ್ಲಿ ವಿವಿಧ ಸಮುದಾಯ, ಸಂಘಟನೆಗಳು ಪ್ರತಿದಿನ ಧರಣಿ ಕೈಗೊಳ್ಳುವಂತೆ ಮಾಡಿದ್ದು ವಿಶೇಷ. 45 ದಿನಕ್ಕೂ ಹೆಚ್ಚು ಸರಣಿ ಧರಣಿ ಮೂಲಕ ಅಂದಿನ ಸರ್ಕಾರದ ಗಮನಸೆಳೆದಿದ್ದು ವಿಶೇಷ.

ಹೋರಾಟದ ಅನುಭವ ಧಾರೆ

ಡಾ. ಬಂಜಗೆರೆ ಜಯಪ್ರಕಾಶ್
ಪ್ರಧಾನ ಸಂಚಾಲಕ, ನೀರಾವರಿ ಹೋರಾಟ ಸಮಿತಿ

ಶಾಂತಿ ಮಾರ್ಗದ ಹಾದಿ

ಚಳ್ಳಕೆರೆ ಬಸವರಾಜ್
ಸಂಚಾಲಕ, ನೀರಾವರಿ ಹೋರಾಟ ಸಮಿತಿ

ಜ್ವಲಂತ ಸಮಸ್ಯೆಗಳ ಚರ್ಚೆಗೆ ವೇದಿಕೆ

ವೈಜ್ಞಾನಿಕ, ಜನಪರ ಹೋರಾಟಗಳಲ್ಲಿ ಪಾಲ್ಡೊಂಡಿದ್ದ ರಾಜ್ಯಮಟ್ಟದ ಚಿಂತಕರು, ಚಳವಳಿಗಾರರು, ಮಾನವೀಯ ಬದ್ಧತೆಯುಳ್ಳವರ ಚಿಂತನೆಯಡಿ ಹುಟ್ಟಿಕೊಂಡಿದ್ದೇ ಮುಕ್ತ ವಿಚಾರ ವೇದಿಕೆ.

ವೇದಿಕೆ ಮುನ್ನಡಿಸುತ್ತಿದ್ದ ಸ್ನೇಹಿತರು ಬಿಡುವಿನ ವೇಳೆ ಅನೌಪಚಾರಿಕ ಚರ್ಚೆಯಲ್ಲಿ ತೊಡಗಿದ್ದಾಗ ಭದ್ರಾ ಮೇಲ್ದಂಡೆ ಯೋಜನೆ ಜಾರಿ ಹೋರಾಟವನ್ನು ಏಕೆ ಕೈಗೆತ್ತಿಕೊಳ್ಳಬಾರದೆಂಬ ಅಭಿಪ್ರಾಯ ಚಿಗುರಿ, ಅದು ವೇದಿಕೆಯಲ್ಲಿ ಸಸಿಯಾಗಿ, ಚಿಕ್ಕಮಗಳೂರು, ಶಿವಮೊಗ್ಗದ ಮಲೆನಾಡು ಪ್ರದೇಶದಲ್ಲಿ ಬಂಜಗೆರೆ ಜಯಪ್ರಕಾಶ್ ನೇತೃತ್ವದಲ್ಲಿ ವೇದಿಕೆಯ ಪ್ರಮುಖರೆಲ್ಲಾ ಅಧ್ಯಯನ ನಡೆಸಿದೇವು. ಬಳಿಕ ಬಸವ ಮಂಟಪದಲ್ಲಿ ಪೂರ್ವಭಾವಿ ಸಭೆ, ನಂತರ ಗುರುಭವನದಲ್ಲಿ ಹೋರಾಟ ಸಮಿತಿ ರಚನೆ ಬಳಿಕ ಇಡೀ ಹೋರಾಟವನ್ನೇ ಮುಕ್ತವಿಚಾರ ವೇದಿಕೆ ಮುನ್ನಡಿಸಿತು.

ನಿರಂತರ ಮುನ್ನೆಡಸಿದ್ದರ ಫಲ ಯೋಜನೆ ಜಾರಿಗೊಂಡು, ಬಯಲುಸೀಮೆ ರೈತರ ಕನಸು ನನಸಾಗುವ ದಿನ ಸಮೀಪಿಸುತ್ತಿದೆ. ನೀರು ಹರಿಯುವ ದಿನಗಣನೆ ಆರಂಭವಾಗಿದೆ. ಇದೊಂದು ನಿಷ್ಕಲ್ಮಶ, ಶಾಂತಿಯುತ ಹೋರಾಟಕ್ಕೆ ದೊರೆತ ಜಯ.

ಹೋರಾಟಕ್ಕೆ ತೀವ್ರತೆ ತಂದುಕೊಡುವಲ್ಲಿ ಶ್ರಮಿಸಿದ ಈಗಲೂ ಚಳವಳಿಯ ಮುನ್ಸೂಚನೆಯಲ್ಲಿ ನಿಂತು, ಹೋರಾಟದ ಉತ್ಸಾಹದಲ್ಲಿ ಯುವಪೀಳಿಗೆ ನಾಚಿಸುವಂತಿರುವ 86 ವರ್ಷದ ಪಿ.ಕೋದಂಡರಾಮಯ್ಯ, ಕವಿ ಬಂಜಗೆರೆ ಜಯಪ್ರಕಾಶ್, ರೈತ ನಾಯಕ ಸೋಮುಗುದ್ದು ರಂಗಸ್ವಾಮಿ, ಈಚಘಟ್ಟ ಸಿದ್ದವೀರಪ್ಪ, ಬೇಡರೆಡ್ಡಿಹಳ್ಳಿ ಬಸವರೆಡ್ಡಿ, ಆರ್.ಶೇಷಣ್ಣಕುಮಾರ್, ದಗ್ಗೆ ಶಿವಪ್ರಕಾಶ್, ಪರಮೇಶ್ ಹಾಗೂ ಜೆಡಿಎಸ್, ಕಾಂಗ್ರೆಸ್, ಬಿಜೆಪಿ ಸೇರಿ ಅನೇಕ ಪಕ್ಷದ ಸದಸ್ಯರು, ಮುಖಂಡರು, ರೈತ, ಕಾರ್ಮಿಕ, ಕನ್ನಡಪರ ಸಂಘಟನೆ ನಾಯಕರುಗಳು ಈಗಲೂ ಹೋರಾಟದ ಬಿಸಿ ಕಾಯ್ದುಕೊಂಡಿರುವುದು ಮಾದರಿ.

ನರೇನಹಳ್ಳಿ ಅರುಣ್ಕುಮಾರ್
ಸಂಚಾಲಕ, ನೀರಾವರಿ ಹೋರಾಟ ಸಮಿತಿ

ಹೋರಾಟಕ್ಕೆ ವೇದಿಕೆ

ಚಿತ್ರದುರ್ಗ ಜಿಲ್ಲಾ ನೀರಾವರಿ ಹೋರಾಟ ಸಮಿತಿ ಉದಯಿಸುವ ಪೂರ್ವದಲ್ಲಿ ಬಸವಮಂಟಪದಲ್ಲಿ ಸಭೆ ಆಯೋಜಿಸುವ, ಜಿಲ್ಲೆಯ ಪ್ರಮುಖರನ್ನು ಆಹ್ವಾನಿಸುವ ಹೊಣೆಗಾರಿಕೆಯನ್ನು ನರೇನಹಳ್ಳಿ ಅರುಣ್ಕುಮಾರ್, ಚಿಕ್ಕಪ್ಪನಹಳ್ಳಿ ಷಣ್ಮುಖ ಅವರಿಬ್ಬರಿಗೆ ಮುಕ್ತವಿಚಾರ ವೇದಿಕೆ ಮುನ್ನಡೆಸುತ್ತಿದ್ದವರು ವಹಿಸಿದರು. ಕನ್ನಡಪ್ರಭ ಪತ್ರಿಕೆ ವರದಿಗಾರರಾಗಿದ್ದ ಚಿಕ್ಕಪ್ಪನಹಳ್ಳಿ ಷಣ್ಮುಖ ತನಗೆ ವಹಿಸಿದ ಕೆಲಸವನ್ನು ಸಮರ್ಥವಾಗಿ ನಿಭಾಯಿಸಿದರು. ಮಠಗಳು, ರಾಜಕಾರಣಿಗಳ ಮನೆಗಳಿಗೆ ಪತ್ರ ಬರೆದರು, ಕೆಲವರಿಗೆ ದೂರವಾಣಿ ಕರೆ ಮಾಡಿ ಆಹ್ವಾನಿಸುವ ಕೆಲಸವನ್ನು ಮಾಡಿದರು. ಒಟ್ಟಾರೆ ಪ್ರಮುಖರು ವಹಿಸಿದ ಜವಾಬ್ದಾರಿಯನ್ನು ನಿರ್ವಹಿಸಿದರು.

ಹೋರಾಟಕ್ಕೆ ಆರ್ಥಿಕ ಸಹಾಯ

ಕೆ.ಆರ್.ದಯಾನಂದ್
ಖಜಾಂಚಿ, ನೀರಾವರಿ ಹೋರಾಟ ಸಮಿತಿ